Bebidas Ugalde familia enpresa bat da, eta hiru belaunaldik baino gehiago daramatzate edariak eta gourmet produktuak banatzen. Biltegi nagusia Idiazabalen dago. Zentro logistiko horretatik, ostalaritzak Goierri, Tolosaldea eta Urola Garaia eskualdeetan dituen beharrei erantzuten die, ardo, caba, likore, garagardo, ur eta freskagarri sorta zabalarekin. Asuncion Klinikatik aurrera daramagun "Jaten Bizirik" proiektuan, familia enpresa honek egiten duen uraren banaketarekin kontatu nahi izan dugu.

 

Insalus iturburua Pirinioen mendebaldeko muturrean dago, Aralar mendilerroaren eta Otsabio mendiaren inguruetan. Insalus ur mineral naturala, zeinaren mineralizazioa prozesu natural bat den, mineralizazio ertaineko ur bat da, bere osagai nagusiak kaltzioa, bikarbonatoak eta sulfatoak direlarik. Haurren elikagaiak prestatzeko eta sodio gutxiko dietetarako egokia da.